Успешно реализиран заеднички камп во духот на хуманоста, соработката и пријателството

Црвен крст Неготино имаше чест да биде домаќин на заеднички камп реализиран во соработка со Црвен крст Велес – ден исполнет со дружење, нови познанства, размена на искуства и активности кои ја зајакнуваат тимската поврзаност и волонтерскиот дух.

Искрена благодарност упатуваме до сите учесници кои со својата енергија, мотивираност и позитивен пристап придонесоа кампот да биде успешно реализиран и исполнет со незаборавни моменти.

Посебна благодарност упатуваме до Планинарскиот дом „Дедо Ило Јанчев“ за гостопримството, прекрасните услови и поддршката што ни ја овозможија. Нивната љубезност и соработка беа важен дел од успешната реализација на оваа активност.

Црвен крст Неготино останува посветен на организирање активности кои ги поврзуваат младите, ја поттикнуваат солидарноста и придонесуваат за развој на хуманите вредности. Со нетрпение очекуваме нови заеднички средби, нови искуства и уште многу успешни приказни создадени заедно.